سویرم من سنی ای شهریمیزین جیرانی
بو دلی کؤنلوم اولوب گؤزلروین حیرانی
قوجا بارقوش کیمی، گؤزلر آسیلی یول گودوری
صاباح اولسایدی گورردیم او گؤزل رخساری
منه وارلق بو فلکدن،ایکی گؤزدو بیر اؤرک
بونلاری دا وریرم گؤزلریوین قوربانی
کیپریگون چالماقی بیر موسیقی دیر معنا ده
نوتی گؤزدن سالری، تاری،سازی، مضرابی
یوزوین خطی خالی، عشقیمیزه خط و نشان
هر گؤزوین بیر باخشی، یوز یارانن درمانی